O noso equipo Audio descrición

Conta cunha traxectoria profesional intimamente ligada ao terceiro sector, á defensa dos dereitos das persoas en situación de risco e exclusión social, á formación, ás novas tecnoloxías e á xestión de proxectos. Desde a súa incorporación a Dano Cerebral Galicia en 2021 exerceu como técnica de formación e responsable de calidade. En agosto de 2024 asumiu a dirección da Federación.

Tralo paso polo sector bancario incorporouse ao social, no que se ocupa tanto da planificación e desenvolvemento de proxectos como da xestión económica e financeira, con especial atención á contabilidade social. En 2016 incorporouse a Dano Cerebral Galicia como responsable da área económica e administrativa e desde agosto de 2024 tamén se ocupa dos recursos humanos da Federación.

Activa dende o 2016 como traballadora social, tralo seu paso por empresas privadas vinculadas á atención de persoas en situación de dependencia, incorporouse a Dano Cerebral Galicia en 2020 a través dos programas de cooperación para o fomento do emprego en entidades sociais da Consellería de Emprego. Desde agosto de 2024 é responsable de proxectos da Federación.

Desde 2005 traballa no xornalismo e na comunicación corporativa. Ten experiencia en tarefas de gabinete de prensa, organización de eventos e captación de fondos nos sectores cultural, social e mediático co cooperativismo e o asociacionismo como elemento común. É responsable de comunicación da Federación desde a súa incorporación en 2012 a través dos programas de cooperación da Consellería de Emprego.

Distinguida co Premio Fin de Carreira e o Premio Excelencia Académica da Xunta de Galicia, así como co Premio Fin de Grao da Universidade da Coruña, traballa dende 2019 no eido da atención temperá e a neurorrehabilitación. Incorporouse á Federación en 2022 como parte do equipo responsable da prestación de servizos sociosanitarios de proximidade e da execución de proxectos de promoción da vida independente. Desde agosto de 2024 é técnica de formación e xestión de calidade.

Tras rematar os seus estudos, a súa vida laboral estivo sempre ligada á administración, contando con experiencia nunha xestoría, unha entidade social e un centro de formación. No 2020 incorporouse a Dano Cerebral Galicia a través dos programas de cooperación para o fomento do emprego en entidades sociais da Consellería de Emprego. 

Activa desde 2014 como educadora social, desenvolveu o seu labor nos ámbitos de maiores, discapacidade e menores. Neste último eido enfocouse na educación informal, como responsable de campamentos urbanos, e formal, como docente de clases extraescolares. Ligada ao terceiro sector desde 2018, incorporouse á Federación en 2023 a través dos programas de cooperación para o fomento do emprego en entidades sociais da Consellería de Emprego. 
 

Distinguida co Premio Extraordinario Fin de Carreira da Universidade de Santiago e os Premio Summa Cum Laude e Mellor Tese de Maestría de FLACSO-Ecuador, conta con experiencia xornalística, en investigación académica e como xestora e comunicadora cultural no eido da economía social. Incorporouse á Federación en 2023 para realizar unha substitución. 

A súa traxectoria profesional iníciase en 2018 como terapeuta ocupacional na atención directa a persoas con discapacidade. En 2022 incorporouse á Federación como parte do equipo responsable da prestación de servizos sociosanitarios de proximidade e da execución de proxectos de promoción da vida independente de persoas con dano cerebral.